Kategori: Familieturer (Side 11 av 16)

Storåsen i Fjaler

7. februar 2016 / Bodil Dybevoll / 1 kommentar

Utgangspunktet for turen til Storåsen er ved Haugland Rehabiliteringssenter. Der finn ein også parkeringsplass.
Første stykket av turen går på bygdevegen mot Ytre Haugland. Rett før ein kjem til eit kvernhus tek ein av til høgre. Der står skilt til Jarstadheia. Ein går da på ein traktorveg som svinger seg opp mot Storemyra/ «Steinen».
Ved Storemyra/»Steinen» er ein komt så høgt at ein kan nyte utsikten over Flekkefjorden. Storemyra/ «Steinen» er eit populært turmål for mange som er på rehabilitering på Haugland, og der er derfor godt trakka rås/sti uansett årstid. IMG_20160201_210251 Når ein står ved steinen på Storemyra følger ein råsa som er merka med raude stikker og raud måling på trestammane, heilt i høgre kant av Stormyra. Det er normalt mange som trakker der både vinter og sommer så råsa er tydeleg. Fjellet Dokka over Holmedal.
Råsa går i variert terreng. Myr og stingrunn og i store granfelt. Den dagen eg gjekk turen var det vått i terrenget, men berre å kle seg etter forholda.
P1130955 Melisdryss i granfeltet Husk å lat att grinda når det er beitesesong
Når ein har gått eit stykke fra Stormyra/»Steinen», over eit myrlendt parti, kryss ei lita elv, gått gjennom granfelt og opp ein bakke og er midt i eit nytt granfelt, så er ein i Eidsskardet. Her er det eit stidele. Råsa/stien til Storåsen tek her til venstre opp bakkane.
Om ein går rett fram i Eidsskardet og unnabakken, kjem ein til ein skogsveg. Føl ein den kjem ein ned til Stigvika ved Dalsfjorden, og ein kan følge skogsvegen til høgre og kome ned på bygdevegen i Bortneim og gå vidare til Dale. Eidsskardet.
La aldri veiret bestemme om du skal ut på tur. Det er berre å kle seg etter forholda og legge i veg. Denne dagen var våt og ruskete, men sola titta fram når skyene slo sprekker. Da blir det fint sjølv i tett skog. Trimpost på toppen av Storåsen.
Det er kjekt å kome opp i høgda og kunne nyte utsikten. Denne dagen var veiret lunefult. Skyene slo sprekker og det var fint, men snur ein andre vegen ligg snøbygene i kø ut i Dalsfjorden. Snøbygene ligg i kø i Dalsfjorden
Utsikten fra Storåsen, som ligg på 295 moh, er fantastisk. Ein ser Flekkefjorden omkransa av terrenget som har fått melisdryss over seg.

Turen til Storåsen er ca 2 kilometer fra Haugland til toppen.

Du finn kart over turen på Ut.no: Storåsen i Fjaler

GOD TUR OG NYT NATUREN!

Raudbua ved Flekkefjorden

4. februar 2016 / Bodil Dybevoll / 3 kommentarer

Raudbua er ein plass på nordaust sida av Flekkefjorden i Sunnfjord. Ein finn aldri noke raud bu når ein kjem til plassen, men der stod ei for mange år sia og plassen har blitt heitande Raudbua.

Turen til Raudbua har utgangspunkt i den vesle grenda Haugland som ligg nord for tettstaden Flekke i Sunnford.
I den vesle grenda er det ca 15 fastbuande, og her er dei to største arbeidsplassane i Fjaler kommunen.
UWC ( United World College Røde Kors Nordiske) og Haugland Rehabiliteringssenter. På skulen er det elever fra 95 forskjellige land. Haugland Rehabiliteringssenter gir over 1000 pasienter kvart år tilbud om fagleg tilbud og oppfølging ved institusjonen.

Første del av turen går på bygdevegen som går fra Haugland Rehabiliteringssenter til Ytre Haugland. Ein ser Bekkerhuset/tunet på venstre hand når ein går ut vegen.

Det er artig å sjå korleis turen forandrer seg på kort avstand. Her går stien over roleg myrlendt terreng før det går unnabakken og inn i eit granfelt. Der snor den seg langs med ein berghammar, Helleren. Tydeleg og merka sti heile vegen.
    P1130994

Vått i terrenget når styggeveiret Tor er på vei, men i granfelta er det tørt og fint. Her snor råsa seg langs med bergknauser.
Spennande å sjå kva som møter ein rundt bergknausen.
     P1140005
Her ved Raudbua stod det tidlegare ei raud bu, der av namnet. No står her ein lavo som elevane ved UWC har bygd og har ansvaret for. Denne er låst og ikkje til allment bruk. Litt ved sida av lavoen er det høg berghammar. Der er det litt overheng og ein kan finne ly mot nedbør om ein vil det.
Her er uveiret Tor på veg. Likevel glimt av blå himmel.
Lavoen tilhøyrer UWC.
Utsikt ut Flekkefjorden mot Eldesundet ein dag i januar. Ein sommarsdag må det være nydeleg å sitje her og nyte. Holmen ein ser er Ungholmen og fjella ein skimter ligg på andre sida av Dalsfjorden.

Turen er ca 4.5 kilometer tur/retur.

Kart over turen finn du på Ut.no: Raudbuda ved Flekkefjorden

GOD TUR!!!

Pollaneset ved Flekkefjorden

1. februar 2016 / Bodil Dybevoll / 0 kommentarer

Turen går delvis langs Flekkefjorden som er ein sidearm til Dalsfjorden i Fjaler kommune i Sunnfjord.
Tettstaden Flekke har ca 250 innbyggere. I den vesle grenda Haugland bur det ca 15 personer. Her ligg Haugland Rehabiliteringssenter og UWC (United World College Røde Kors Nordiske) skulen med elever frå ca 95 land. Desse to institusjonane er dei største arbeidsplassane i Fjaler kommune.

Utgangspunktet for denne turen er på Haugland, nord for Flekke. Ved Haugland Rehabiliteringssenter er der muligheiter for parkering. Gå den asfalterte vegen forbi senteret og opp bakkane. Etter kvart ser ein eit stort herskapshus.

BEKKERHUSET.
I Bekkerhuset budde overrettsakfører Christian Bekker (f.1877). Han arva denne plassen etter sine besteforeldre. Han fekk skøyte på garden i 1906 og flytta til Haugland i 1945. Christian Bekker vart ein gammal mann, og døydde 103 år gammal. Han var ugift og testamenterte eigedomen til Sogn og Fjordane distrikt av Røde Kors. Bekker la føringer i testamentet for korleis eigedomen skulle brukast. Haugland Rehabiliteringssenter har vokse fram i tråd med desse føringane.
P1130933 Bekkerhuset.
Ein fortset bygdevegen til ein kjem til eit skilt på venstre side som viser vegen til Pollaneset.
Skilt i vegkanten fortel kvar ein skal ta av fra vegen.
Ei fin rås går ned til fjorden og forbi nokre naust. Respekter at dette er privat eigedom.Råsa går vidare langs nokre berghammrar, over Trulsneset. Ein kjem etter kvart ut til Neset, ei gammal slåttemark.Her dreier råsa opp i lida og ein fortset ut Sørlida, over Bratteberga som går i fjorden. Råsa er fin å gå og det er ikkje farleg terreng.

  Nydeleg grønt dekke på steiner og trestammer. Ein er no komt til Neset.
Ein grønn blekksprutHer er ein på Pollaneset. Ein ser over til garden Elde. Her i fra går ein langs pollen og føl raude merker nordaust over. Den vesle dalen som ein no krysse blir kalla Skitnedalen. IMG_20160126_135225 Stille og grønt langs elva.
Ein føl dei raude merka, delvis på stikker og måla på trestammane, til ein kjem opp på Randa. Her kjem ein inn på råsa som går vidare til Raudbua.

På denne turen føl vi skiltinga tilbake til Haugland. Tydeleg og god rås. Ein kjem til ei grind som går inn i eit beite. Når det er beitesesong, husk å lat att grinda etter deg.
Når ein runder over bakketoppen kjem ein til garden Kalvegjerdet på Ytre Haugland. Der ifra føl ein bygdevegen innatt til utgangspunktet ved Haugland Rehabiliteringssenter.
     Gammal køyreveg.Stille og fint i granskogen. Her kan ein setje seg ned og finne roen.

Utsikten fra Kalvegjerdet på Ytre Haugland, inn Flekkefjorden ein regntung dag i januar.
«Båten» står ved vegenden på Ytre Haugland.

Denne turen er ca 4 kilometer og er ein fin tur i lett terreng.

Kart over turen finn du på Ut.no: Pollaneset ved Flekkefjorden.

Kongsviksetra og Svorasetra

10. januar 2016 / Bodil Dybevoll / 1 kommentar

P1130889 Kongsviksetra.
Det er fleire veier som fører til desse to setrane. Mitt utgangspunkt er parkeringsplassen ved hyttefeltet i Kjøs.
Ta av fra Rv 60 på nordsida av Kjøs bru og køyr til parkeringsplassen ved hyttefeltet.
Kjem ein fra aust tek ein av fra Rv 15 ved Øyebakken og køyrer mot Kjøs.

Første del av denne turen blir det same som for turen: Den Trondhjemskepostvegen Kjøs- Svor.

Den tronhjemske postvegen er nydeleg å gå på. Her eit sommerbilde og eit vinterbilde.

Følg den Tronhjemske postvegen til ein kjem forbi garden Kongsvik.Etter ca 200 meter tek ein av til høgre og kjem inn på skogsvegen. Skogsvegen er tydeleg og ryddig og godt merka.

Ein går no i trassen til fjell-løpet Hornindal Rundt. Ein vil derfor kunne følge merkinga, malte kvite firkanter, heilt til setra.

Fin skogsvei og rås, men no blir terrenget brattare.Utsikt til Navelsaker fra skogsvegenden.

Når ein går ut av skogsvegen blir terrenget brattare, men det er tydeleg og merka rås til begge setrane.
Den første setra ein kjem til er Kongsviksetra. Den høyrer til garden Hatlelid. Her har dei restaurert selet siste åra.Turen vidare til Svorasetra er enkel. Råsa er tydeleg og går opp rett bak selet. Det er ca 200 meter mellom desse to setrane, så enkelt å plukke begge når ein først er komt opp.
Fin rås vidare til SvorasetraSvorasetra. Eit sel og ein fjøs. Ein kan så vidt skimte Hornindalsvatet gjennom skogen.

Svorasetra ligg på 416 m.o.h og turen er ca 3 km fra parkeringsplassen og til Svorasetra.

Kart over turen ligg på Ut.no: Kongsviksetra og Svorasetra

VÆR NYSKJERRIG OG UTFORSK NYTT TERRENG

GOD TUR

Vikasetra og Randasaga

28. november 2015 / Bodil Dybevoll / 1 kommentar

Turen til Vikasetra og Randasaga starter i Holmøyvika. Like ved Vikaelva og Hjelle snikkerverksted er der høve til å parkere på begge sider av Rv 15. Første stykke av turen går på skogsveg. Fint og mjukt underlag. Eit lite skilt som viser at ein er på rett veg.
Første stykke går på skogsveg.
Ein går skogsvegen eit stykke til den deler seg. Ein held til venstre og kjem snart til ei bru som går over Vikaelva. Ein fortset på skogsvegen, men skal etterkvart over i rås på høgre side. Det er tydeleg spor og eit skilt som viser der ein skal ta av fra skogsvegen.
Ei av mange bruer over Vikaelva.
Tydeleg rås ut av skogsvegen og eit lite skilt.

Kraftverk i Vikaelva vart bygd i ca 1947 og gjekk fram til ca år 2000.

Råsa er tydeleg og stillheita er komplett når ein går opp Sagedalen. Kun naturen sine eigne lyder. Når ein går opp Brautaen, ei lang strak stigning på råsa, høyrer ein Vikaelva som durer langt der nede.
  Nydeleg rås opp Brautaen.Når ein er komt opp på Brauta ser ein Styggholsfossen.
Råsa fortset over eit litt vått parti, men det går greit å kome fram. Etterkvart kjem ein innpå skogsvegen. Ein føl den til ein er ved den nye brua over Vikaelva, Sagedalsbrua. Eit fint stykke arbeid som vart utført på dugnad sist sommer. Går ein turen ein varm sommardag er her muligheiter til å avkjøle seg i den fine kulpen nedanfor brua.
  Etter brua kan råsa enkelte plasser være vanskeleg å sjå, men følg med i terrenget så ser ein spor etter kor det er naturleg å gå. Eg kom fram på fint opplagde steiner i trappetrinn, og da var det ikkje vanskeleg å skjønne at eg var på rett veg. Og snart ser ein Vikasetra i himmelsjå.
Kven har vore sherpa her?Vikasetra i himmelsjå.
Vikasetra høyrer til gardane i Holmøyvika, Vikøyane og Skåpavika. Den store fjøsen er fellesfjøs til fire bruk . Fjøsen som står åleine høyrer til Skåpavika. Der er eit sel/hytte på setra.

RANDASAGA. Randasaga- forstørra «Randasaga første halvdel av 1900» Magne V. Kristiansen 2000. Måla i samarbeid med Magne Rosenlid.

Går ein vidare rett sørover fra den store fjøsen på Vikasetra, kan ein følge ei rås eit godt stykke mot Randasaga. Murane etter saga ligg ved elva. Der er ikkje tydeleg rås heilt fram om ein kjem fra Vikasetra, men følg råsa til ein kjem til ei stor myr, drei da austover mot elva.
Eg gjekk for langt og for høgt i forhold til Randasaga men kom fram på brukara der Randabrua gjekk over Vikaelva. Artig å sjå det og.
Eit av brukara der Randabrua kryssa Vikaelva.
Eg gjekk over elva ved desse brukara og langs med elva til eg kom nedatt til murane etter saga.

Randasaga var ei oppgangsag og var i bruk fram til 1915. Det var to bruk på Rand og to bruk på Tvinnereim som hadde eigarskap i saga. Dei hadde skogteigar i Randaskogen, på nordsida av Holmøyskaret, ned mot Holmøyane. Tømmeret vart saga og frakta gjennom Holmøyskaret til Rand og Tvinnereim. Når dei skulle ha tømmeret til Rand gjekk vegen fra Holmøyskaret ut Fagredalen til Randastøylen og vidare til Rand.
Når tømmeret skulle fraktast til Tvinnereim, var det eit vegdele ca 200 meter etter skaret, der gjekk vegen til Tvinnereim på venstre sida av Høgefjellet, ned Klebersdalen og til Tvinnereim.
Vegen gjennom Holmøyskaret heiter Randavegen.

Saga stod fram til ca 1930. No er det berre murane og litt av tømmerstokkane som er syneleg.

På 1870-talet var det eit voldsomt styggeveir, og mykje skog i Randaskogen bles ned. Tømmeret vart saga og frakta til Randabygda. Av dette tømmeret vart det sett opp to hus. Eit av det er det gamle skulehuset på Skrede.
Det gamle skulehuset på Skrede. P1130394 Slik ser murane av Randasaga ut no. Godt storflaumen ikkje har nådd murane.
Også litt av tømmeret i bygningen viser enno.
Turen til Randasaga kan ein også ta uten å gå om Vikasetra. Når ein er ved Sagedalsbrua fortset ein på venstre sida av elva. Ein går ca ein kilometer på skogsvegen og dreier mot elva. Det er ikkje så enkelt å sjå murane når ein kjem den veien, men går ein langs med elva finn ein dei.

Ein kan også gå skogsbilvegen fra Nybø i Markane og til Randasaga. Da føl ein skogsbilvegen heilt til lunneplassen, vidare ned Kupa og fortsetje vidare på traktorskogsvegen langs med elva.
Turen fra Nybø kan ein lese meir om her: Skogsvegen i Randaskogen.

Turen ligg på Ut.no: Vikasetra og Randasaga

Sjå andre måleri av Magne V. Kristiansen: adfontes.no og www.facebook.com/adfonteskunst.

GOD TUR!!

Holmøyane / Sudstranda

5. november 2015 / Bodil Dybevoll / 0 kommentarer

Holmøyane er ei av bygdene som ligg stille og fredeleg ved Hornindalsvatnet, Nord Europas djupaste innsjø. Det er bygda som dei fleste berre susar gjennom, på veg austover eller vestover.Skåpavika, på kommunegrensa mellom Eid og Hornindal
Bygda blir også kalla Sudstranda, og da er det rekna heilt fra Skåpavika til Skrede. Denne bygda, og dei 60 innbyggjarane som bur her, har mykje å by på og vise fram om ein tek seg tid til å stoppe opp litt.

Tidlegare i haust var det ein reportasje i lokalavisa om Holmøyane og den nye bygdavegen som dei har bygd på dugnad.
Eg vart imponert og nyskjerrig så eg tok turen for å utforske. Fann ut at eg skulle sjå meir av bygda når eg først var der, og det vart både ein, to og tre turer til Holmøyane.
Utgangspunktet for turen.
Turen min starta der den gamle riksvegen tek av fra den nye riksvegen, lengst aust. Ein er da i Holmøyvika. Her ved denne garasjen er det god plass og parkere bilen. Men pass på at den ikkje står i vegen for anna ferdsel. Så da er det berre å ta beina fatt. Utforske.

Noke av det første ein ser når ein starter på turen i Holmøyvika er bygda på andre sida av vatnet, Otterdal. Ein ser også over til Skjerneset, Kjøsahalsen og garden Hatlelid. Og så ruver Ytrehornsnakken og Gløvrefjellet lenger bak.

Ein kjem fort i mimre modus når ein går på gamle vegar der ein tidlegare sneik seg rundt svingane med bil. No er det ikkje mykje trafikk på denne vegen, men den er fin som gang og sykkelveg for dei mjuke trafikkantane i bygda.Når ein kjem litt lenger fram ser ein tydeleg at det er aktivitet og utvikling i bygda. Og at her er aktivitet kan ein godt forstå. For Holmøyane er nesten «verdens navle» og ligg veldig sentralt til med pendleravstand både til kommunesenteret i Eid, Hornindal,Stryn , Volda og Ørsta.  Boligfeltet Høgda er opparbeida med infastruktur til totalt 9 tomter. Fire av dei er selde og eit hus er allereide komt opp.
Høgda boligfelt.
Turen min gjekk ned veien til høgre og etterkvart kom eg ned til eit hyttefelt. Følg vegen vidare , forbi krysset der vegen går ned i Leirvika.
Leirvika, ein idyllisk plett ved vatnet.
Det nye hyttefeltet, Nesjane, ligg usjenert og stille til med flott utsikt over vatnet. Ikkje ein lyd var å høyre fra hovudvegen. Der er mange store fine hytter å sjå. Etter å ha snakka med kjentfolk fekk eg vite at der fremdeles er ledige tomter. Holmøyane med fiske, bade og turmuligheiter må være eit eldorado for dei som søkjer friluftsliv.
Gå vegen heilt til endes i hyttefeltet og vidare i skogen heilt til ein kjem ytters på neset. Da har ein dei fine holmane rett fram for seg.Turen gjekk vidare gjennom skogen og over til Storevika. Enda ein idyllisk plass med utsikt over vatnet og fin kveldssol.
   P1130441 Storevika
Like utanfor Storevika ligg Landholmen. Der har familien Holmøy, som eig Holmøy Arbeidsskule, familiegravplass. Det var Ola Hansson Holmøy som i 1904 fekk løyve av Kongen til å leggje familiegravplassen på den vesle holmen. Dette er ein nydeleg plass å stede sine kjære til den siste kvile.
Holmøy Arbeidsskule vart skipa i 1858 og det var den første arbeids- og snikkarskulen i sitt slag i landet. Kvar sommar, dei siste sju åra, har det vore kunstutsilling i lokala til arbeidsskulen.
Der er også internat,som er delvis utleigd om sommaren, i same tunet som arbeidsskulen stå.
Dugnadsånda lever også i Holmøyane.I denne velse bygda har dei grendalag, idrettslag og skytterlag. Von cup vart i mange år arrangert på fotballbana i Holmøyane. Dette var ei stor fotballturnering for hobbylag fra nabobygdene. Det vart kjempa om den gjeve pokalen både i kvinneklassen og herreklassen.Grendahuset Vonlund med idrettsbane/fotballbane mot Hornindalsvatnet.
Det siste dugnadsprosjektet dei har hatt føre seg er blant anna den nye bygdavegen, som går fra boligfeltet Høgda og til Gjeilefjæra. Den vart offisielt åpna 3 oktober med snorklipping av ordfører Alfred BjørloGjeilefjæra er ein fin plass ved vatnet som blir brukt til badeplass og sosial møteplass når årstida og veiret tillet det.
No når den nye bygdavegen er bygdt, kan ein kome seg fra Holmøyvika, Høgda boligfelt og Storevika og til Gjeilefjæra utan å gå på den sterkt traffikerte riksvegen. Bygdavegen går vidare fra Gjeilefjæra forbi fabrikken og langs vatnet heilt ut til Arbeidsskulen. Kanskje med tida heilt til grendahuset Vonlund.Her ser ein bygdavegen som kjem ned bakken fra vegen som går til Storevika.
Denne rundtur snur her i Gjeilefjæra og går tilbake opp bakken og til bilvegen som går til Storevika. Der tek ein til høgre og går mot hovudvegen. Rett før hovudvegen kan ein ta inn på ei rås gjennom skogen, gå forbi tre hytter, og kome igjen på den gamle riksvegen. Da slepp ein å gå langs hovudvegen. Når ein da er komt på den gamle riksvegen igjen, går ein den tilbake til bilen.
Også i Storevika er der hyttetomter for sal..
  Skilt ved gamle riksvegen fortel om eit aktiv bygdelag.
På tilbaketuren ser ein på høgre sida det nye industriområdet i bygda. Der har det allereide etablert seg ei bedrift med hovudkontor. I Holmøyane er de også to fabrikker om har 3-4 arbeidsplasser.
    Bilder fra arbeidsplasser i bygda.
Denne rundturen i Holmøyane er ca 4,5 kilometer og er enkel å gå. Vær nyskjerrig og utforsk nabobygdene.

Kart over turen finn ein på ut.no: Holmøyane/ Sudstranda

GOD TUR!!

Visnesrunden

12. oktober 2015 / Bodil Dybevoll / 2 kommentarer

Visnesrunden er ein sentrumsnær flott skogstur der ein også får med seg kulturhistorie på turen. Runden går på skogsveg og rås og er godt merka.
Turen eg beskriv her starta og slutter ved YX- stasjonen i Stryn. Der er det parkeringsmuligheiter og ein kjem seg enkelt tilbake til der bilen står.
Første stykket går på asfalt inn den idylliske Bruagrenda. Dette er ein stille plass nær sentrum, mellom dei to bruene som går over Styneelva.Like før ein kjem til gamlebrua tek ein til høgre opp Torinabakken og vidare innover mot Årheim.f
  Torinabakkjen
Etter kvart kjem ein til der skogsvegen starter. Skogsvegen går i jamn stigning til ein er på toppen ca 340 m.o.h.

Første del av runden har ein utsikt tilbake til sentrumbebyggelsen og gamlebrua. Etterkvart som ein kjem lenger opp i skogen blir det lite med utsikt. Her som mange andre plasser veks det til og utsikta blir vekk.
Underlaget på skogsvegen er flott å gå på. Langs ruta er det nokre skilt, både med stadnamn og som vegvisarar. Eg kjenner ikkje bakgrunnen for stadnamna og har ikkje funne informasjon om dei.

Ein kjem til ein hammar som har overheng. Der heiter det Skuten. Her er det laga til med benker og bålplass. Sitjeunderlag, stearinlys og ved er lagt inn i berget. Her er det muligheiter for å kose seg både dag og natt.  Skuten.

Visnes ligg på skuggesida og denne haustdagen sleit sola med å finne fram i den tette skogen. Men ein ser den er der og etterkvart blir det litt lysare i skogen.
  Simalamyrane
Når ein er komt forbi det høgaste punktet kjem ein etter kvart til råsa som går til Årheimsetra. Som ein ser på bildet er der skilt som viser kor ein skal ta av om ein heller vil gå til setra.
Skilt som viser veg til Årheimsetra.
Skiltet som viser veg til Saurdalen står der som skogsvegen slutter og ein skal gå over til rås. Ei nydeleg rås som er god å gå på og som er tydeleg. Å bevege seg i ulendt terreng er godt for kroppen. Det stimulerer muskalaturen på ein naturleg måte.Før ein går over i råsa er ein tur heilt ut på kanten ved masta verdt eit besøk. Da får ein fin utsikt ut fjorden, mot Bergsida og Faleide. P1120746 Utsikt fra der skogsvegen slutter, heilt nede på kanten.
  Stien vidare fra skogsvegen er heilt konge å gå i.
  Staveneset 210 m.o.h.
Som skiltet viser så er det 1,6 kilometer til Visnes. Her på Stavneset er det store mektige steinblokker. Detter kan være artig å utforske både for store og små.

Råsa er godt trakka og det er ikkje mulig å gå feil. Her i Stavneskleiva er det litt bratt, men det er laga til med tau slik at ein har noke å halde seg i. Dette er spessielt godt når ein skal gå unnabakke og når det er sleipt og glatt.  Stavneskleiva.
  Staveneshola.
Langs denne runden er det fleire trimposter. Der er ein ved Monstrippen, halvvegs mellom skogsvegenden og Stavneset, og der er ein ved Stavneshola.
  Sola skin på Bergsida.Jensvegen, er etter det eg har blitt fortalt, fra gammalt av råsa fra Visnes til Årheimsetra. Grinda er kjempefint og gammal. Skikkeleg handarbeid.
  Hengslene på denne grinda er spesielle.
Her ved skyttergravene kontrollerte tyskarane innfarten til Stryn både på fjorden, på vegen og i lufta. Dei hadde stillingar både for kanoner og maskingevær. Skyttargravene vart aldri brukt i krigshandlinger.

  Tydelege spor i trerrenget fra krigsåra.
  Benk for ein kvil og tavle som fortel historia.
Ved Storeledholten er det laga til med ein kvileplass og satt opp ei tavle som fortel om spora i terrenget fra krigsåra.
  Storledholten, der er tillaga med benk og tavle.
Rett etter Storledholten kjem ein til parkeringsplassen som ein nytter om ein går denne turen motsatt veg og starter fra Strandavegen. Runden eg har gått går heilt til YX-stasjonen igjen. Da går ein ned gjennom bustadfeltet. I krysset Kipervegen/Strandavegen kan ein ta snarvegen rett unnabakken. Da kjem ein til Bjørkevegen. Følg den til Seljevegen og vidare ned til utgangspunktet på YX-stasjonen.
  Ut av skogen og til sivilisasjonen på Visnes.

Turen ligg også på Ut.no: Visnesrunden

Skjerneset

7. oktober 2015 / Bodil Dybevoll / 0 kommentarer

Skjerneset ligg ytterst på Kjøsahalsen. Ein idyllisk plass som er enkel å nå både for små og store, gamle og unge. Den gamle vegen rundt Kjøsahammaren har vore ein flott turveg i mange år. I dei siste åra har det kjeme ein del steinblokker ned i vegen i den nordlegaste delen. Det er derfor ikkje enkelt å kome seg fram fra Honrnindalssida. Det er høge og bratte hammarar så ved store nedbørsmengder må ein vise ekstra stor forsiktigheit når ein går der.

Denne runden som eg har gått eit par ganger no i haust, starter ved hyttefeltet i Kjøs og ender opp ved sagbruket i Kongsvik. Om ein ikkej vil gå same vegen tilbake, er det litt logistikk for å ha bil når ein kjem innatt til Kongsvik.

Dette er ein tur på ca 5 kilometer.

Følg den Tronhjemske postvegen til det høgaste punktet på Kjøsahalsen. Der har Hornindal i.l trimpost. Her er også første post på løypa til norges tøffaste fjelløp, Hornindal Rundt
  Parker ved hyttefeltet i Kjøs.
Turen går i slakt og fint terreng på mjukt underlag. Ein merker nesten ikkje stigninga når ein går mot Kjøsahalsen som ligg på ca 200 moh.

  Den Tronhjemske postvegen er utruleg fin å gå på. Fra eit parti etter hyttefeltet.
Etter at ein har passert hyttefeltet kjem ein til ei lysning i skogen. Der går postvegen like ovanfor innmarka til garden Kjøs, og ein har fin utsikt til Hornindalsvatnet og Bjørnaholmen.
Trimposten til Hornindal il på Kjøsahalsen.
Like før ein er komt til toppen på Kjøsahalsen skal ein halde til venstre på ei rås/skogsveg. Den er ikkje merka, men tydeleg i terrenget. Ein går vidare i slakt skogsterreng nordvest over. Litt stigning før ein er på det høgaste punktet. Det er mykje stor furuskog, så utsikten er ikkje den beste, men enkelte glimt får ein av Grodås sentrum og bygda Otterdal.

  Nydelege haustfarger , Otterdal i det fjerne.
Etter å ha gått i rås eit stykke kjem ein ut på ein skogsveg. Der held ein til venstre og går ca 200 meter unnabakkjen før ein skal ta til høgre og ut i ei rås. Eg sette opp ein lang staur som viser der som ein skal ta av fra skogsvegen.
  Ved den lange stauren tek ein til høgre ut på rås igjen.
  Enkelte gamle merkinger i skogen.
Råsa slynger seg mellom store furulegger og ein kjem etter kvart til den gamle vegen som gjekk rundt Kjøsahammaren. Ta siste stykket i rås heilt ned til vatnet og nyt stillheita. Der kan ein finne ly for vinden fra dei fleste kanter. Er det sommer og temperaturen tillet det er der flotte forhold for bading. Eit alternativ er å ta med piknikkorga og nyte kveldsmaten ytters på neset.Den gamle vegen rundt Kjøsahammaren er stille og roleg. Senk skuldrane og ta deg tid til å spasere ein tur på nord sida også. Gå så langt som ein føler for. Det bratte partiet kan være ustabilt ved store nedbørsmengder og om våren når det er isfall.
  Fine stabbesteiner står der og vitner om ei faren tid.
  Otterdal i det fjerne.
  Steinblokker ligg i vegen på nordsida.
Hornindal i.l har også trimbok på Skjerneset. På den fine benken er det fint å sitje å filosofere og nyte stillheita.
Hornindal il har trimpost på Skjerneset
Den gamle vegen rundt Kjøsahammaren egner seg godt både for å spasere på, bruke sykkel, trille barnevogn, rullestol eller ta med rullatoren.
Stille og fredelegUtsikt fra Kongsvik over Hornindalsvatnet og litt av den gamle vegen som går rundt Kjøsahammaren.

Kart over turen finn ein på ut.no: Skjerneset

PRØV TUREN , NYT NATUREN!!

Sankta Synneva-hornet

20. september 2015 / Bodil Dybevoll / 0 kommentarer

Sankt Synneva-hornet er Vågsøy høgaste fjell. Med sine 689 m.o.h byr den på ein storslagen utsikt i alle himmelretningar. Turen til toppen er knappe 4 kilometer og det er ei stigning på ca 550 meter fra Almenningsfjellet.

Sankt Synneva-hornet kan nåast fra fleire kanter, eg vil skrive om alternativet fra Almenningsfjellet.

Like før krysset til Sør-pollen/Selje på Almenningsfjellet er der ein parkeringsplass. Parker der, og gå over til andre sida av riksvegen. Følg traktorvegen inn Austadalen. Ein går forbi eit lite nedlagt gardsbruk og kjem etterkvart til vassverket innerst ved vegenden.
Ved vassverket tek ein til venstre opp bakken. Råsa er merka med raude trestikker. Ein går mot granfeltet og finn etterkvart ei fin rås.Bilde: Ytre Nordfjord Turlag  har delvis skilta råsa.
   Råsa går inn i granfeltet.
Ein kjem fram på ei flott tilrettelagt gamle steintrapp i eit av dei bratte partia. Dette vitner om at det er ein gammal veg som vart brukt til seter.
Turen går i variert terreng. Tildels mykje myr. For å vinne høgdemeter må ein opp, inn i mellom flater terrenget ut og ein får kvile muskelaturen litt.

Etterkvart som ein vinn høgde så kjem også utsikta. Ein går forbi små tjern og vatn som gir liv i landskapet.  Eldeviksetra ligg på 289 m.o.h og ligg der fint i terrenget med utsikt over vatnet.

Den dagen vi gjekk turen var det veldig vått og råsa bar tydeleg preg av mykje nedbør. Da er det godt at det på dei vanskelegaste plassane er tilrettelagt med stegtrinn så ein lett kan forsere glatte bergknauser.
Når ein kjem opp i Skogadalen ser ein fasinerande steinsel og fjøser. Dei er godt bevart og vedlikehaldne. Imponerande byggverk. Bak denne setra er det også oppmura rås/veg vidare. Det er arbeid som vart gjordt for å lette tilkomsten til fjellet for folk å fe i tidlegare tider. No er det skjerpaer fra Nepal som tilrettelegg stier/vegar i ulent terreng for oss.
P1110971 Seter i Skogadalen. Flotte stein sel og fjøser.
Frå Skogadalen er turen lettgått og råsa er vardet vidare til toppen. Da var målet nådd. Sankt Synneva-hornet, høgaste toppen i Vågsøy kommune.Utsikt fra toppen og inn Nordfjorden. Midt i bildet Hamnneset, Eidsfjorden til venstre og Isefjorden til høgre.Utsikt fra toppen mot Fåfjorden, Oldeide, Gangsøya, Grindøya og Husevågøy. Utsikt fra toppen mot Rugsundøy og Hornelen.Utsikt fra toppen mot Barmøya, Selje og Vetrhus.Utsikt fra toppen mot Silda og Stadtlandet med Ytre Fure i strandsona.

Denne dagen var prega av skiftande veir. Skodda låg tidvis lavt og tjukk. Da vi var på toppen kom sola gjennom ei lita stund og vi fekk tatt nokre bilder av utsikta. Men ein skulle ikkje snu seg lenge fekk før motivet var innlulla i skodda igjen.

Turen til Sankt Synneva-hornet er ein fin tur som kan gjerast unna som ein treningstur eller ein kan bruke nesten heile dagen. Har høyrt rykte om at noken har vore på toppen snart 500 ganger. Slik er det gjerne, har ein funne «sin topp», så blir det på den toppen ein går sjølv om det er mange topper ein kunne ha utforska og besøkt i nærområdet.

Kart over turen finn du her: Sankt Synneva-hornet.

Turen er fin, utsikten fantastisk. Prøv den du også!!

Over Kviven. Fra Kalvatn til Hornindal

16. september 2015 / Bodil Dybevoll / 0 kommentarer

Over Kviven har folk vandra i hundrevis av år. Folk fra Austefjorden og Hondalen nytta råsa gjennom Kvivsskardet når dei skulle besøkje kvarandre til arbeid eller fest. Alt i 1760 vart dette sambandet skildra som det kortaste vegen frå Sunnmøre til Sogn.
Mange har kjempa for utbetring av denne traseen. Den første søknaden om støtte til veg over Kviven er fra 1877. Søknaden vart avslått mange ganger, men i 1884 vart det innvilga kr 50,- av Hornindal heradstyre. Dette med forutsetning av at også Volda og Hjørundfjord heradstyre innvilga same beløpet. Det vart gjordt, og ei viss utbetring vart utført. Etter ca 135 år kom det tunnel gjennom fjellet og no køyrer vi Kvivssambandet fra Hornindal til Kalvatn på få minutter.

Eg vil anbefale å ta denne turen over fjellet. Det er ein forholdsvis lett overgang. Høgaste punktet på turen ligg på 860 moh. og distansen er ca 9 kilometer.
Ein kan sjølvsagt velge kva slags vei ein vil gå. Eg vil skildre turen fra Kvivsdalssetra og til Lillestøl. P1120121 For å kome til utgangspunktet tek ein av mot Bjørke like ved Kvivstunnelen. Køyr ca 1,5km til Bueide. Ta til høgre opp grusvegen, betal bompenger om ein ønskjer å køyre til setra. Til setra er det ca 2 kilometer.På Kvivsdalssetra ligg det sju små sel side om side. Her er også ein geitefjøs. Det er gode parkeringsmuligheiter om ein køyrer heilt fram.
Råsa finn ein når ein går over setrevollen, langs gjerdet mot dyrka marka. Råsa er tydeleg, lite merking første delen.

  Fin rås fra setrevollen og innover Kvivsdalen.
  Fine kulper i elva som ein kan avkjøle seg i.
Første stykket inn dalen går råsa i slakt terreng. Opp Stegen blir det meir stigning, men enkelt å ta seg fram. Når ein vinn høgdemeter så kjem også utsikten. Her ser ein framatt dalen mot setra.På dei fleste turer eg har gått så har eg før eller seinare kjeme fram på trimposter. I nederste enden på Kvivsdalsvatnet står det også ein slik trimpost. Ta ein pust i bakken og nyt utsikten. Skriv namnet ditt i boka og sjå etter om kjent folk har vore der.Kvivsvatnet ligg på 680 moh. Og sjølv om kalenderen viste midten av august så var der fremdeles snøbreer.
Her ser ein tilbake mot Møresida. Denne dagen var vatnet blått blått.

Fra Kvivsdalsvatnet og opp siste stigninga til Kviven var råsa godt merka.   Oppe på Kviven var det snø både over og under vatn.
  Fine skilt som viser vegen vidare.
Som ein kan sjå av skilta så er her forskjellige turalternativ. Høgenibba ligg på 1191 moh og Grendadalen på ca 400 moh. Ein slik fin dag kunne ein fortsett å gå i høgda. Utfordringa er logistikken for å kome seg heim. Når ein tek turen fra Kalvatn (Kvivsdalssetra) og til Lillestøl i Hornindal er det enkelt om ein har to biler. Parker den eine på Lillestøl og køyr vidare gjennom Kvivstunnelen. Kort vei og hente den som står ved startpunktet.Sol og snø ein sommerdag er ikkje feil. Dette bildet er tatt rett før høgaste punktet.Ingen ting å seie på utsikten mot Grodås når ein er på Kviven. Her ser ein også fjella på sørsida av Nordfjorden og nokre i Breim. Fra venstre nemner eg: Skarsteinfjellet, Ceciliekruna, Storelogpiken, Snønipa og Vora.
Nedstigninga fra Kviven mot Lillestøl er delvis merka. Ein må følge godt med for råsa er ikkje like tydeleg alle plasser. Ein skal gå på høgre side av elva som ein ser på bildet under. Og ein skal forbi denne store steinen med måling på som ligg der terrenget flater ut.

Når ein nærmer seg skogkanten kjem ein fram til ruinane etter Lillestølsetra. Denne setra har blitt rasert av snøskred to gonger. Første gangen var i 1944, da tok raset to av sela. I 1979 raserte eit snøras resten av bygningane.
Råsa går over setrevollen og i tidlegare tider da det vart arrangert Kvivsstemne, var det mange som tok turen forbi setra. Eg hadde litt problem med å finne råsa fra setrevollen. Men gå ned bakken mot ein steingard, da har du den.  Steingard i utkanten av setrevollen.
Fra Lillestølsetra og ned bakkane mot gardane går råsa i skogsterreng. Råsa er tydeleg og etter kvart kjem ein inn på ein fin skogsveg. Den går heilt ned til Lillestøl. Det er beitande dyr i terrenget så lat alltid igjen grindene etter deg.
  Oppslagstavle med historia om Kvivsvegen.Her nærmer ein seg gardstuna på Lillestøl.
  Tilbakeblikk mot Kviven fra Lillestøl.
Om ein vil ta turen andre vegen, så køyr bygdevegen fra Grodås sentrum mot Ytrehorn. Køyr til du ser skilting mot Kviven.
Parkeringsplass for bilen finn ein ved eit lager like ved Kvivsbrua. Sett bilen slik at den ikkje står i veien for andre.