Turopplevinger, turforslag, nyt naturen

Kategori: Haram

Goaldet, toppen av Lepsøya

Turen til høgaste punktet på Lepsøya gir fantastisk utsikt over øyane som ligg ved utgangen av Romsdalsfjorden og øyane i Vigrafjorden og i Giskesundet. Goaldet, som toppen heiter, ligg 491 meter over havet.

For å kome til utgangspunktet ta ferge frå Skjeltene til Kjerstad på Lepsøya. Frå fergekaia tek det ca 20 minutt å gå på asfalt til Sanitetsbygget, som ligg i Lyngstadvegen, der turen starter.
Første del av turen går på gammal traktorveg så over i god og tydeleg rås. Etter få høgdemeter får ein flott utsikt mot havet og øyane.

Lepsøya idrettslag og frivillige har bygd steinhytta som ligg like under toppen av Goaldet.
Hytta er åpen og her kan alle nyte medbrakt kaffi og niste medan ein studerer utsika inn Romsdalsfjorden og fjellheimen rundt. Ein kan også overnatte gratis der, då er det førstemann til hytta prinsippet som gjeld.

Steinhytta står åpen og kan benyttes av alle.
Ein liten snik titt inn i hytta.

På toppen er det ein fin varde med peileskive som gir informasjon om fjella og havet rundt. Utsikten er uslåeleg.

Varden på toppen av Goaldet
Utsikt mot Haramsøya og litt av Flemsøya.
Utsikt nedatt til bygda. Med kikkert kan ein sjå til Hornindalsrokken.

Turen til toppen er ca 2 kilometer. Har ein meir krefter kan ein kombinerer det med turen til: Rønstadhellaren

GOD TUR I HAVGAPET

Rønstadhellaren på Lepsøya

Lepsøya er ei øy i Haram kommune. Den er den sørlegaste øya i øygruppa Nordøyane, som ligg nord for Ålesund.
Øya er forbunde med ferge til fastlandet over Lepsøyrevet og hurtigbåt til Ålesund.
Nordøyvegen, planlagt ferdig 2022, skal gje fastlandsforbindelse til innbyggjarane på Lepsøya, Haramsøya og Flemsøya.

Rønstadhellaren er 14 meter høg, 20 meter brei og 77 meter lang og dermed ein av dei største sjøhellarane i Norden. Den ligg 56 meter over havet og må ha blitt til i ein epoke då havnivået var mykje høgare enn det er no. Hellaren knip seg saman til eit trongt hol som er delvis attmura.
Rønstadhellaren har vore brukt som sommarfjøs for sau og geit, kanskje også for kyr og hestar like sidan folk busette seg på øya.
Arkeologiske utgravningar har avdekka eit kulturlag av skjell og dyrebein med iblanda neverstykke . Det er også avdekka ein ildstad. I nærheita av dette blei det funnet ein forseggjort beinkamb, som er datert til tida 200 e.Kr.  Denne kamben er i dag oppbevart i Bergen Museum.
I tillegg til Rønstadhellaren er der 5 andre hellarar på sørsida av øya. På nordsida er der 3 hellarar. (Kilde: Haram bygdebok).

For å kome til utgangspunktet køyrer ein rett fram etter ferga. Ta til venstre og følg Rønstadvegen til endes.
Det første stykke på turen går på privatgrusveg, forbi ei hytte og vidare til enden på grusvegen. Vidare over i tydeleg rås.

Utsikt mot havet frå garden Rønstad.

Råsa går langs strandkanten i trygg avstand frå havet. Ein har ei flott utsikt over Vigarafjorden og mot øyane i Giske kommune.

På avstand kan ein tydeleg sjå eit ansikt som ikkje er heilt i godlage i dette berget. Ansiktet og den smalkanta bergveggen kallast Smalhans. Namnet kjem kanskje av at råsa er smal her.
Det kan kjennes trygt å støtte seg på Smalhans når ein går forbi, men er ein overtruisk bør ein helst ikkje gjere det. Før i tida var folk redde for å bli råka av ulykke om dei hadde klappa han Smalhans. (kilde:Haram bygdebok).

Columbinebukta

I Columbinebukta/Støylsvika er ei minnetavle på ein stein. Dette er minnetavle over dei omkomne etter forliset av S/S Culumbine. Den 50 fot lange slepefartøyet forliste i 1886 etter å ha vore i drift i 9 dagar frå Durossness på Shetland.
Den 59 år gamle Betty Mouat var den einaste som var ombord då fartøyet vart funne. Redningsmennene, dei fleste frå Rønstad, fekk kvar si medalje frå den Britiske stat for redningsdåden.

Turen frå parkeringsplassen til hellaren er ca 1.5 kilometer. Undervegs er der skilta til andre turmål.

Dette er ein enkel tur å plukke om ein er på øyhopping på Mørekysten.

GOD TUR!!

© 2024 nytnaturen.no

Tema av Anders NorénOpp ↑