Langs Storfjorden/ Hjørundfjorden er det mange flotte fjelltopper. Ein av dei er Kjerringkjeftane.
Den er ikkje blandt dei høgaste med sin 1028 meter over havet, men for ein utsikt.
For å kome til utgangspunktet køyrer ein Skjåstaddalen (Fv 41) frå Kalvatn til Bjørke. I vegkyrsset like ved skulen tek ein til venstre og køyrer til Finnes. Køyr gjennom tuna og vidare opp Bakkedalsvegen. Like ovanfor tuna står kassa for bomavgift. Der er også plass for 2 biler å parkere om ein vil gå vegen. Opp Bakkedalen køyrer ein i lauvskog, men enkelte plasser får ein fin utsikt nedatt til bygda og til fjella rundt.
Turen starter ved ca 300 moh. Der står skilt i vegkanten og ein parkerer langs vegen, eller på stor utviding ca 100 meter lenger framme.

Fin utsikt mot Hondalsrokken, Rokkekjerringa og Bjørkehornet.

Første del av turen kan være våt, men det blir betre etter kvart. Råsa er godt merka. Ein skal krysse elva to plasser. Ved stor vannføring kan det by på problemer. Der er ikkje bruer.

Opp Ryssdalen går ein i bjørkeskog opp langs elva Ryseåna.
Etter kvart blir terrenget åpnare og når ein kjem opp i ca 900 moh får ein eit fantasitsk skue mot Kvistadkjerringane som ligg på andre sida av Kvamsetdalen.

Siste del av turen mot toppen går ein i steinur. Der kan ligge snøskavler på toppen. Gå aldri ut på desse. Høgaste toppen ligg på 1028 moh og der står også boks for trimbok.
Fin utsikt nedatt i Kvamsetdalen og Fjellvatna.
Gå nokre hundrede meter vidare for å få den beste utsikta nedatt til Finnes, Kalnes, Viddal, Leira og Bjørke.

Frå venstre Leira, Kalnes, Bjørke og Finnes rett under.
Frå venstre Viddal og Leira.

Når ein set og speider over aller fjella ser ein mange kjente topper.
Jakta, Kviteggja, Hornindalsrokken, Rokkekjerringa og Bjørkehornet. Kikkerten låg igjen heime, men meiner vi såg Breifonna og Storskredfjellet i Oppstryn også.

Turen er ca 3,5 kilometer ein veg og har ei stigning på ca 700 høgdemeter.

PRØV DENNE TUREN I STORSLÅTT NATUR.