nytnaturen.no

Turopplevinger, turforslag, nyt naturen

Month: mai 2019

Husevågøy

Å ta turen til ukjende plasser er spennande og lærerikt. Ein treng ikkje reise langt før ein er i bygder som ein ikkje har besøkt før.
Å pakke bilen og legge avgårde, for overnatting eller dagstur, utvidar horisonten og ein blir betre kjent i eigen kommune og fylke.

Eg tok tidlegare i mai turen til Husevågøy. Ei perle midt i skipsleida, der Vågsfjorden ligg på nordsida av øya og Fåfjorden på sørsida.
Tek ein ferga mellom Måløy og Oldeide har ein mest sannsynleg lagt til kaia i Verpesvika på Husevågøy. Fergekaia og området rundt ser dødt og stusseleg ut, men ta turen på land og opplev små idylliske grender på begge sider av øya.
Sjølv har eg berre fått utforska nordsida av øya der Husevåg er tettstaden. Eg skal fleire turer ut på øya for å utforske Tytingvågen og Krabbestigen.

Fint å campe med slik utsikt.

Husevågøy har ei rik historie. Ta deg tid til å lese om den på denne linken: Den spennende historien om Husevåg og Husevågøy

Det er ikkje spessielt utbygd for turister på øya, men eg opplevde ein gjestfriheit som eg aldri før har opplevd når eg har vore på mine utflukter. Invitasjon på terassen, teltplass på innmaka og tilbud om å nytte både toalett og dusj. Enkelte plasser på øya kan ein finne parkeringsmogelegheiter for bobil. Ta kontakt med bygdefolket og spør om råd.

Husevågøy har tre jamnhøge toppar. Rønelden 321 moh, Rauddalseggja 318 moh og Krabbestigheida 330 moh.

Råsa til Hovdeneset der fyret har stått. No er der ei automatisert fyrlykt.

Rønelden, eller Kletten som den blir kalla av dei fastboande, ligg 321 moh og har utsikt i alle himmelretningar. Utgangspunktet for turen er midt i bygda og er skilta. Turen er merka med raude stikker og raudmåla steiner. Til toppen er det ca 1,5 kilometer.
Rønelden var mest truleg brukt i varslingssystemet med å tenne eld på fjelltopper for å varsle fare/ufred.

Utsikt frå Rønelden

Utsikt frå Rønelden mot Vågsvåg, Holvika og Måløy

Trollhola ligg på sørsida av Husevågøy. Ytre Nordfjord Turlag hadde organisert tur den dagen eg var der ute og det var ein flott gjeng på ca 35 personer, små og store, som fekk oppleve denne spennande hola.
I trollhola er det funne kulturlag med skjel og bein, trolig frå jernalderen.
Turen til Trollhola starter midt i bygda Husevåg og går første stykke i same trasse som til Kletten/Rønelden. Det står skilt ved vegskille. Frå vegskille går turen vidare til Færeldemyra. Der kan ein sjå spor etter helleristninger. Turen til Trollhola er på ca 2,6 kilometer ein veg.

Trollhola
Utgangspunkt for turen til Rønelden/Kletten og Trollhola. Like ved skulehuset/bygdehuset
Fiskehus og sjøboder var den første bebyggelsen på øya.
Klovningen, eit freda naturreservat.

Ta ein tur til denne fredlege perla i havgapet. Eit tips er å parkere bilen i Måløy, ta sykkelen med på ferga og utforsk øya. Frå ferjekaia til vegenden i Husevåg er det ca 5 kilometer.

GOD TUR!

Den Trondhjemske postvegen ved Paulsvatnet i Jølster.

Ved kongeleg forordning av 1786 vart det fastlagt ei postrute med postgang kvar veke mellom det som den gang var landets to største byar Bergen og Trondheim. Postvegen gjekk delvis etter gamle ferdselvegar.
Frå Skei i Jølster og vidare nordover gjekk vegen mellom stupbratte fjell til Førde, i daglegtalen Førs, ved Breimsvatnet.
Mykje av den gamle postvegen er vekke, dels av ras og dels av at ny bygdeveg er lagt der den gamle postvegen låg.
Ved Paulsvatnet er der fremdeles eit stykke av den gamle postvegtraseen. Den har i seinare tid blitt rydda og restaurert og er no ein fin turveg.

For å kome til utgangspunktet for turen tek ein av E39 ved Grungen, mellom Klakegg og Skei. Avkjøyrsla er merka med Breimsvatnet.
Køyr til nederst enden av vatnet og parker like ved ei ferist.
Turen langs vatnet er idyllisk og stille og den går til ein møter bilvegen igjen, ca 1 kilometer.

Diktaren Henrik Ibsen utlate i 1862, då han var på folkeminneinnsamling «Dalføret er igrunden ikke andet end en Revne mellom de bugtede, uhyre, sønderrevne Fjeldmurer, og fyldt med nedstyrtede Tinder og Bergstykker, saa store, at man kunde udhule en heel domkirke i mange en af dem».

Garden som ein ser på andre sida av vatnet er Paulen, ein fråflytta gard mellom dei steile fjella. «Paulsmusikken», eit omgrep i folkemusikken i Sogn og Fjordane, stammar frå denne garden. Ein syskenflokk på ni vaks opp her og alle var veldig musikalske. Alle 6 brørene spelte fele.
I vatnet er det mykje fisk, men har ein planer om fiske må ein forhøyre seg om det er regulert med fiskekort.

Frå vassenden går postvegen i slakt terreng mot den restaurerte kvelvingsbrua som ligg like før ein kjem fram til bilvegen igjen.
For å gjere turen lenger og som ein rundtur, kan ein fortsetje over bilvegen og gå den gamle gardsvegen til garden Paulen og nedatt til der bilen er parkert.

Anbefaler også å ta turen heilt til Førde/Førs. Ei lita grend med 6 gardsbruk og ca 40 innbyggere. På bilturen ned til bygda kan ein ,om ein ser godt etter, sjå enda litt av postvegen. Ein sving som vart kalla Prestekona.
I den vesle bygda var det tidlegare skysstasjon og hotell. Frå Førde vart posten rodd vidare over Breimsvatnet til Reed i Gloppen. Hotell eventyret tok ein brå slutt då vegen gjennom Våtedalen kom i 1889 og all trafikk nord-sør vart ført over der.

© 2019 nytnaturen.no

Theme by Anders NorenUp ↑